Prof. Dr. Oskar Aszmann

Во Посета на Клиниката за пластична хирургија беше професорот кој е истакнат експерт во областа на Пластичната и Реконструктивна хирургија, со цел унапредување на соработката и споделување на најновите методи со Специјалистите и Специјализантите од делот во реконструктивната хирургија.

Прегледа повеќе од 10 пациенти меѓу кои имаше и од повредените пациенти од Кочани.

Prof.Dr.Oskar Aszmann е директор на Клиничката лабораторија за реставрација на функцијата на екстремитетите при Медицинскиот универзитет во Виена, а на Универзитетот „Св. Кирил и Методиј“ во Скопје е промовиран за Professor honoris causa.

Повеќе од една деценија тој ја поддржува едукацијата на генерации пластични хирурзи на Медицинскиот факултет во Скопје — воведувајќи нови техники во хирургијата на периферни нерви и микрохиргијата, унапредувајќи ја научноистражувачката работа и подигајќи ги стандардите на грижата за пациентите.

Неговата иновативна работа продолжува да ги проширува хоризонтите на реставрацијата и реконструкцијата на екстремитетите, инспирирајќи ја следната ера на медицински иновации.