Хипербарната оксигено терапија претставува адјувантна тераписка метода при која пациентите дишат 100% кислород под зголемен притисок поголем од атмосферскиот. Со оваа терапија се лекуваат пациенти со: бавно зараснувачки рани со различна етиологија, пациенти со дијабетични рани, остеомиелит,изгореници, оклузија на ретинална артерија,акутна глувост како и спортски повреди, припрема на спортисти и во естетски цели. Терапијата се одвива во Хипербарна комора во која пациентите дишат 100% кислород преку ороназална маска и претствува безбедна терапија која на клиниката успешно се спроведува од 2009 година.